Pesë persona kanë vdekur pasi një varkë u përmbys në brigjet e Zelandës së Re pasi mendohej se ishte goditur nga një balenë.
Gjashtë persona i mbijetuan incidentit, pranë qytetit të Kaikoura në ishullin jugor, të shtunën, shkruan Skynews, transmeton Klankosova.tv.
Gjendja e tyre shëndetësore është e qëndrueshme, tha rreshteri i policisë Kaikoura, Matt Boyce.
“Mendimet tona janë me të gjithë të përfshirët, duke përfshirë viktimat dhe familjet e tyre, komunitetet e tyre lokale dhe personelin e shërbimeve të urgjencës,” tha ai.
Kryetari i bashkisë së qytetit, Craig Mackle, u tha gazetarëve se ujërat ishin të qeta në atë kohë dhe supozohej se një balenë doli në sipërfaqe nga poshtë varkës.
Ai tha në të kaluarën se kishte menduar për mundësinë e përplasjes së një varke dhe balenës duke pasur parasysh numrin e balenave që frekuentojnë rajonin.
