- Advertisement -
Mesfushori i Kombëtares së Shqipërisë, Nedim Bajrami pritet të largohet nga Rangersi, pasi nuk bën pjesë në planet e ekipit skocez.
Bajrami nuk është përfshirë në listë për dy ndeshjet e fundit te Rangersi dhe menjëherë kanë filluar spekulimet për largimin e tij eventual.
Mësohet se ekipi nga La Liga, Sevilla dhe ai nga Serie A, Udinese kanë shprehur interesim për mesfushorin shqiptar.
Të dyja ekipet po synojnë huazimin e Bajramit me opsionin e blerjes deri në fund të sezonit dhe mbetet te shihet se si do të shkojnë gjërat.
Bajrami ka kontratë deri në vitin 2028 me Rangersin, ekip që verën e shkuar pagoi 3.5 milionë euro për ta transferuar nga Sassuolo.
