Deputetja e LDK-së, Hykmete Bajrami ka kritikuar ashpër Qeverinë e Kosovës pas vendimit për rritjen e pagës minimale në sektorin privat, me argumentin se vendimi nuk po zbatohet në rastin e punëtorëve të Kuvendit. Deputetja kujtoi se paga neto e këtyre grave, të cilat janë në grevë para Kuvendit, është vetëm 275 euro, e cila nuk arrin minimumin prej 350 eurosh të përcaktuar nga Qeveria.

“Prej 28 gushtit e deri më sot, nuk ka studio televizive dhe nuk ka rast ku përfaqësuesve të LVV-së u është ofru mikrofoni dhe kamera që nuk janë lavdëru për ngritjen e pagës minimale derisa prej datës prej datës 16 shtator në oborrin e Kuvendit të Republikës së Kosovës janë 14 gra të cilat janë në grevë sepse ato paguhen në kundërshtim me vendimin e Qeverisë së Rebpulikës së Kosovës.

Paga e tyre neto, sipas tyre, është 275 euro, që nënkupton as bruto nuk është nuk është në nivelin 350 euro. Këtu ka disa shkelje. E kemi një kompani private e cila nuk po e zbaton vendimin e Qeverisë për pagën minimale. Tjetra është që kjo kompani private ka kontratë me shtëpinë e demokracisë, me Kuvendin e Kosovës, me ligjvënësit. Ne jemi ata që bëjmë ligjet dhe duhet të jemi përgjegjës për zbatimin e ligjeve dhe vendimeve të Qeverisë.

Nga data 16 shtator ato gra janë në grevë, në ndërkohë që ne nuk kemi informacion që kësaj kompanie i është shkëputur kontrata. Kjo kompani duke mos i dhënë shërbime Kuvendit, vazhdon me pasë një kontratë valide me Kuvendin. Dmth, nuk mundeni me u lavdëru për secilin vendim e sidomos të cilat nuk i zbatoni.” – tha Bajrami