Deputeti i Lëvizjes Vetëvendosej, Mefail Bajqinovci duke folur për për shkarkimin e deputetit Haki Abazi nga pozitat në komisionet parlamentare, ka qenë kritik edhe me mediat dhe raportimin e tyre për Lëvizjen Vetëvendosje.

Bajqinovci tha se brenda Vetëvendosjes s’ka çarje e as ndonjë problem tjetër, duke shtuar se sa herë kishte pakënaqësi të ndonjë deputeti të kësaj partie, mediat flisnin për ndarje e probleme, shkruan Gazeta10.

“Në VV kemi kritika rreth dy vjet nga deputetët për çështje legjislative apo dicka tjetër. Por, nga VV-ja s’ka largime. Për VV-në që dy vjet po flitet për pakënaqësi e ndarje pikërisht nga mediat. Sa herë një deputet dhe kritikon për dicka, media thonë a ka çarje dhe a ka pakënaqësi. Nuk ka kurrfarë çarje dhe probleme brenda VV-së”, – tha deputeti Bajqinovci.