Deputeti i Lëvizjes Vetëvendosje, Mefail Bajqinovci ka kërkuar nga Lidhja Demokratike e Kosovës, të distancohet nga ish-kryetari i saj Isa Mustafa.
Bajqinfovci në Debat Plus, tha se Isa Mustafa e ka shkelur Kushtetutën e Kosovës, me nënshkrimin e marrëveshjes për Asociacionin e Komunave të Kosovës.
Tutje, ai ka thënë se edhe kryetari i tanishëm i LDK-së, është i të njëjtit mendim me ish-kryetarin Mustafa.
“Del Lumir Abdixhiku, shefi i të cilit e ka shkelë Kushtetutën… Derisa po del me deklarata sikur të tij, mos të them është punëtor i tij sepse ai e ka vendosur në pushtet… U mundu me përvejdh fajin që LDK nga viti 2015, këta duhen me u distancu nga Isa Mustafa, por ky nuk distancohet nga nënshkrimi që e ka bërë”, ka thënë ai.
I ashpër me ish-kryetarn e LDK-së, ka qenë edhe kolegu i Bajqinovcit, Arbër Rexhaj, i cili ka thënë se Isa Mustafa, nuk ka fare kredibilitet të flasë për çështjen e Asociacionit.
“Mendoj që kredibilitetin më të vogël moral politik e ka për me fol për Asociacionin, ku është i fundit që duhet të flasë për Asociacionin”, ka thënë ai
