Anëtari i Kryesisë së Lidhjes Demokratike të Kosovës (LDK), Visar Azemi, ka reaguar ashpër ndaj propozimit për rritjen e sërishme të çmimit të rrymës, duke e cilësuar këtë veprim si një abuzim me durimin e qytetarëve.
Në një postim në Facebook, Azemi tha se ky vendim vjen në një kohë kur qytetarët po përballen me çmime të larta dhe pasiguri ekonomike.
“Rritja e sërishme e çmimit të rrymës është abuzim me durimin e qytetarëve, në një kohë kur janë duke u përballur me çmimet e larta dhe pasigurinë ekonomike.
Është shumë e qartë është se ky është një vendim për interesat e grupeve të caktuara që po e shfrytëzojnë situatën për përfitime personale.
Ky është një akt i papranueshëm dhe i padrejtë dhe është një tregues i qartë i dështimit të kësaj qeverie që nuk mendon për qytetarët e saj.” – tha ai.
