Zyrtari i Lidhjes Demokratike të Kosovës, Visar Azemi ka thënë se qytetarët dhe bizneset në Ferizaj sot dhe dje janë përballur me mungesë të rrymës.
Sipas tij, një gjë e tillë ka ndodhur pa ndonjë shpjegim.
“Si në dimër, si në verë, qytetarët e Ferizajit po përballen me mungesë të rrymës.
Sot dhe dje, qytetarët dhe bizneset nuk kanë pasur rrymë, pa asnjë shpjegim.
Duke qenë që Ferizaji është qendra e dytë ekonomike në Kosovë – me një numër të madh të bizneseve, sidomos atyre prodhuese – ndërprerjet e vazhdueshme të rrymës iu shkaktojnë humbje të mëdha bizneseve në qytetin tonë” – ka thënë ai.
Tutje, Azemi ka shtuar:
“Kam propozuar ndërtimin e Centralit me gaz amerikan në Ferizaj, e që do të garantonte furnizim stabil me energji për komunën tonë dhe të gjithë vendin.
Një investim që sjell siguri energjetike, zhvillim ekonomik dhe vende të reja pune”.
