Visar Azemi i LDK-së, ka shkruar se 100 mië punëtorë janë më pak në Kosovë brenda një tremujori, çka flet sipas tij për politika të dështuara, dhe nuk është thjeshtë statistikë.
“Në vend që të krijojë kushte për investime dhe vende të reja pune, qeveria ka zgjedhur propagandën dhe vetëkënaqësinë. Punësimi i qëndrueshëm bëhet në një ekonomi të qëndrueshme e jo me masa parazgjedhore e të mbështetura në propagandë e nga propaganda.” – ka shkruar ndër të tjera ai.
Postimi i plotë:
100 mijë punëtorë më pak brenda një tremujori
Derisa partia që kishte pushtetin për 4 vjet, vazhdon të flasë për “rritje ekonomike”, shifrat tregojnë shkallë alarmante të in-formalitetit dhe papunësisë.
Sipas të dhënave zyrtare të Trustit, në tremujorin e katërt të vitit 2024 kishim 430 mijë kontribuues aktivë, ndërsa në tremujorin e parë të vitit 2025 janë raportuar vetëm 339 mijë.
Pra, brenda vetëm tre muajve, qeverisë i “mungojnë” 100 mijë kontribuues – punëtorë që nuk janë më pjesë e tregut formal të punës.
Kjo nuk është statistikë teknike – është pasqyrë e qartë e gjendjes ekonomike në vend dhe politikave të dështuara të punësimit.
Në vend që të krijojë kushte për investime dhe vende të reja pune, qeveria ka zgjedhur propagandën dhe vetëkënaqësinë. Punësimi i qëndrueshëm bëhet në një ekonomi të qëndrueshme e jo me masa parazgjedhore e të mbështetura në propagandë e nga propaganda.
