Familja Zymeri nga fshati Shtitaricë i Vushtrrisë sot ka hapur të pamen për 19-vjeçarin A.Z, i cili dyshohet se u vra mbrëmë nga i dyshuari B.D.Arsyet e motivit sipas familjes së 19 vjeçarit ende s’dihen.
Në lidhje me rastin axha i viktimës, Nysret Zymeri ka thënë se nuk i dinë arsyet dhe se djali i tyre nuk kishte telashe me askënd.“Arditi ka qenë djali i vëllaut. Informatë zyrtare nuk kemi deri më tani. Nuk e dimë se si ka ndodhur, të keqe nuk kemi pasur me askënd. Nuk kemi pasur me njeri të gjallë asnjë fjalë të keqe, ne nuk e kemi pritur, e kemi ditur që e kemi një armik, por këndej nuk kemi pritur asgjë”.
“Kjo na ka ndodhur, informatën e kemi marrë mbrëmë, pasi ka ndodhur rasti. Nuk e kemi njohur dorasin, absolut se kemi njohur, as s’kem ditë kush është. Absolut nuk e dimë. Janë edhe tre fëmijë, një vajzë edhe dy djem”, ka thënë axha i tij para gazetarëve.
