Cedomir Stojkoviq, avokati që kërkoi falje para pak ditësh te varrezat e Jasharajve në Prekaz për krimet serbe, ka publikuar një video në të cilën ai thotë se presidenti serb, Aleksandër Vuçiq e tregon publikisht urrejtjen për shqiptarët.
Ai ka thënë se në këtë intervistë nga Davosi, Vuçiq pyetet nëse do ta arrestojë avokatin.
“Në Davos, duke u marrë me mua, Aleksandër Vuçiq publikisht e tregoi urrejtjen e tij për shqiptarët, dhe një gazetar aksidentalisht tregoi që presidenti i Serbisë vendosë për arrestimet politike në vend. Gazetari pyeti presidentin: “A do ta arrestoni ju Cedomir Stojkovic pasi vendosi lule në varrin e një vajze shqiptare, Blerina Jashari?” – ka shkruar Stojkoviq.
Përgjigja e Vuçiq, sipas tij ishte kjo:
“Është një turp që Stojkoviq do të duhet të jetojë gjithë jetën e tij, me të cilin e futi fytyrën në baltë, policia dhe prokuroria duhet të bëjnë punën e tyre në këtë drejtim”.
Vlen të theksohet se BIA serbe arrestoi politikanin serb, Nikola Sanduloviq pasi kërkoi falje në Prekaz, duke e maltretuar dhe duke e lënë të palëvizshëm në në pjesë të trupit.
