Në një intervistë për Klan Kosovën, ai ka pohuar se do të kërkojnë që të hidhen poshtë disa pika, por se janë në diskutim.
“Kemi një proces në gjykatë sipas rregullit 130 sipas të cilit, pas përfundimit të rastit të Prokurorisë që siç e dini do të ndodhë më 15 prill, duhet t’ua bëjmë me dije gjyqtarëve se do të dorëzojmë mocion për hedhjen e disa apo të gjitha pikave akuzuese, kjo është diçka për të cilën po diskutojmë tani edhe me ekipet e tjera dhe patjetër se jemi të gatshëm ta bëjmë këtë nëse kjo do të jetë ajo që e duam”, ka thënë Roberts.
Roberts ka shtuar se pas vendimit të Trupit Gjykues do të dihet nëse ka nevojë që mbrojtja e Selimit të thërrasë dëshmitarë.
Siç e dini ky është një proces i kundërshtueshëm gjatë të cilit barra e provës bie mbi Prokurorinë për të vërtetuar pretendimet përtej dyshimeve të arsyeshme dhe pastaj vjen faza tjetër e procesit kur ne mund t’i kontestojmë pretendimet dhe të kërkojmë nga gjyqtarët të rrëzojnë disa apo të gjitha akuzat. Dhe vetëm pas vendimit të Trupit Gjykues për këtë çështje do ta dimë nëse kemi nevojë të thërrasim dëshmitarë dhe nëse po, kë dhe sa…”.
I pyetur se a do të kërkohet rrëzimi i pikës së aktakuzës ku Ushtria Çlirimtare e Kosovës cilësohet si Ndërmarrje e Përbashkët Kriminale.
Ai u shpreh: ” Vendimin në lidhje me kërkesat që do të kemi rreh rrëzimit të ndonjë akuze është diçka të cilën do ta diskutojmë dhe ngrisim. Pretendimet për pika të caktuara të aktakuzës janë ato që synojmë të kërkojmë të rrëzohen dhe aty do ta vendosim edhe fokusin e kërkesës tonë”.
