Avokati kryesor i Hashim Thaçit, Luka Misetiç, ka sqaruar se të hënën Prokuroria Speciale e Hagës ka kërkuar nga 45 vjet burg për secilin prej të akuzuarve, Hashim Thaçin, Kadri Veselin, Rexhep Selimin dhe Jakup Krasniqin.
Misetiç ka thënë se në total janë gjithsejtë 180 vjet.
“Jan kërkuar nga 45 vjet për secilin prej tyre. Pra janë 180 vjet në total”, ka thënë Misetiç për Express.
Të hënën në opinion publik ishte shkaktuar paqartësi rreth asaj nëse Prokuroria ka kërkuar 45 vjet në total, apo 45 vjet burg për secilin prej 4 ish-krerëve të UÇK-së.
Nga data 9 shkurt në Gjykatën Speciale kanë filluar deklarimet përmbyllëse. Prokuroria e Hagës ka thënë fjalën e vet të hënën dhe do të vazhdojë edhe sot. Mbrojtja pritet të thotë fjalën e saj pasi të ketë përfunduar Prokuroria
