- Advertisement -
Që nga 8 dhjetori kur Gjykata Themelore në Prishtinë urdhëroi Fakultetin e Inxhinierisë Mekanike të realizojë një super-ekspertizë në rastin kur ministrja Rozeta Hajdari dyshohet se goditi me veturë një fëmijë, nuk është mbajtur asnjë seancë lidhur me këtë rast.
Nëse ky rast vazhdon të zvarritet, kjo lëndë rrezikon të parashkruhet, çka nënkupton se ministrja nuk do të dënohej fare për këtë rast.
Për të evituar një situatë të tillë, avokati i 9-vjeçares, Florim Shefqeti, ia ka dërguar Gjykatës tri urgjenca, me të cilat i ka kërkuar trajtim të rastit.
Zvarritja e rastit ka ngritur dyshimet e familjes së 9-vjeçares se po bëhet pikërisht për faktin se e dyshuara për këtë rast mban postin e ministres.
