Avokati Gashi për vizat: Atë që të tjerët nuk e arritën për 10 vjet, Albini e arriti për 10 sekonda

Avokati Tomë Gashi e ka komentuar votimin e liberalizimit të vizave për Kosovën.

Ai përmes një postimi në Facebook, ka thënë se atë çfarë të tjerët nuk e kanë arritur për 10 vite, kryeministri Kurti e ka arritur për 10 sekonda.

Sipas tij, ky votim nga shtetet e Evropë është bërë për 10 sekonda.

“10 vjet apo 10 sekonda? Atë që të tjerët nuk e arritën për 10 vjet, Albini e arriti për 10 sekonda! Votimi për liberalizim të vizave u bë nga shtetet e Europës për 10 sekonda. Mos i hapni shampanjat siç i hapnin të tjerët dhe mos thuani që liberalizimi ka ndodhur pardje sepse votimi për liberalizim është bërë sot!”, ka shkruar Gashi.