- Advertisement -
Në Peru kanë vdekur 20 persona, pasi një autobus me udhëtarë ra në një humnerë të thepisur, në një zonë veriperëndimore.
Nga ky aksident u shpëtuan 30 persona, por me lëndime të rënda.
Sipas autoriteteve lokale, aksidenti ndodhi kur autobusi doli nga rruga në provincën e Patazit, duke u rrokullisur 100 metra teposhtë.
Mediat raportuan se gjendja e rrugës në këtë anë është e mjerueshme dhe se kjo mund të ketë qenë arsyeja kryesore pse u humb kontrolli i mjetit.
Ambulancat dhe banorët e vendit, ku ndodhi tragjedia, ndihmuan në transportimin e të plagosurve në spitalin e qytetit më të afërt, Taya-bamba.
