Atletico Madrid ka triumfuar ndaj Barcelonës me rezultat 2:1 në Stadiumin Olimpik, në kuadër të javës së 18-të, për të rrëmbyer kështu vendin e parë në LaLiga.
45 minutat e para u dominuan nga Barcelona, me katalunasit që patën iniciativën dhe arritën të shkonin në pushim me një gol epërsi.
Pedri shënoi në minutën e 30-të për 1:0, i asistuar nga Gavi.
Atletico Madrid e barazoi rezultatin 12 minuta pasi filloi pjesa e dytë. Ishte rasti i parë për skuadrën e Simeones, me De Paul që realizoi për 1:1.
Barcelona në vazhdim pati disa raste të mira shënimi, por heroi ishte Oblak që skuadra nga kryeqyteti nuk pësoi.
Kur ndeshja po shkonte drejt fundit, Atletico Madrid, doli në skenë edhe një herë. Pas një kundërsulmi të shpejtë, Sorloth realizoi në minutat shtesë për ta përmbysur rezultatin në 2:1.
Pas kësaj fitore, Atletico Madrid, bëhet lider i LaLigës me 41 pikë të grumbulluara, duke e lënë pas pikërisht Barcelonën që ka 38 pikë, por që katalunasit rrezikojnë të humbasin edhe vendin e dytë pasi Real Madrid ka vetëm një pikë më pak me dy ndeshje për t’i zhvilluar.
