Atletico Madrid ka shënuar një fitore të rëndësishme në fushën e Villarreal në ndeshjen e të hënës që përkiste në Javën e tridhjetë në La Liga.
Ndeshja e zhvilluar në “Estadio de la Ceramica” ishte e vështirë për të dyja ekipet, por Atletico Madridi ka dalë fitues me rezultatin 1-2.
Ekipi i trajnerit Diego Simeone ka filluar mirë ndeshjen dhe ka marrë avantazhin në minutën e nëntë me një gol të shënuar nga Witsel. Megjithatë, Villarreali ka rikuperuar dhe ka barazuar lojën në minutën e pesëdhjetë me një gol të shënuar nga Sorloth.
Atletico Madridi nuk është pajtuar me barazimin dhe ka shënuar golin e fitores në minutën e nëntëdhjetë përmes lojtarit Niguez.
Pas kësaj ndeshje Atletico Madrid gjendet në pozitën e katërt në tabelë, ndërsa Villarreal renditet në pozitën e dhjetë. Tabela e La Liga kryesohet nga Real Madrid.
