Futbollisti i famshëm, Neymar, është në qendër të vëmendjes të mediave rozë pasi një ish-modele pretendon se sulmuesi është babai i vajzës së saj 9-vjeçare.
Mediat e huaja shkruajnë se Gabriella Gaspar, e cila jeton në Hungari, kërkon që ish-futbollisti i Barcelonës dhe PSG-së duhet të bëjë një test të ADN-së për të vërtetuar se vajza është e tij.
Gabriella pretendon se Neymar i detyrohet 30 mijë euro si detyrim për rritjen e vajzës.
“Ajo e takoi atë në Bolivi, në Santa Cruz de la Sierra. Skuadra braziliane ishte aty për një event privat dhe ajo kishte nisur një turne. Ata patën një lidhje të shpejtë dhe ajo mbeti shtatzënë”, tha avokati Angelo Carbone, cituar nga mediat braziliane.
“Ne kërkojmë pagesa retroaktive në lidhje me kohën në të cilën Gabriella duhej të mbulonte të gjitha shpenzimet për rritjen e vajzës, e cila është gati 10 vjeçe”, shtoi ai, duke pretenduar se Gabriella Gaspar nuk është në gjendje ta rritë e vetme vajzën.
