Arsenali ka hapur bisedime me Paris Saint-Germain për një transferim të lojtarit francez Bradley Barcola, sipas Fichajes.
23-vjeçari ka pasur vështirësi në gjetjen e kohës së lojës në Paris këtë sezon, pasi trajneri Luis Enrique favorizon një treshe sulmuese: Ousmane Dembele, Desire Doue dhe Khvicha Kvaratskhelia.
Është pikërisht pakënaqësia me kohën e tij të lojës që ka nxitur thashethemet se Barcola mund të largohet nga klubi këtë vit. Gunners thuhet se janë gati të jenë favoritët për nënshkrimin e tij, me trajnerin Mikel Arteta që e sheh atë si një zgjidhje për linjën sulmuese të ekipit të tij.
Ofertë rekord për “superyllin”
Barcola, i përshkruar si një “superyll”, konsiderohet si një nga anësorët më të mirë në botë, dhe situata e tij në Paris ka tërhequr vëmendjen e një numri gjigantësh evropianë. Edhe pse PSG i ka ofruar atij një kontratë të re, besohet se lojtari është gati për një sfidë të re në mënyrë që të luajë më rregullisht dhe të realizojë potencialin e tij të plotë.
Kjo e ka shtyrë Arsenalin të kontaktojë klubin francez dhe të shqyrtojë mundësinë e një transferimi që mund të thyejë rekordin e klubit. Parisienët thuhet se po planifikojnë të rifreskojnë sulmin e tyre në verë, dhe megjithëse qëndrimi zyrtar i klubit është se Barcola nuk është në shitje, besohet se një ofertë bujare, së bashku me dëshirën e qartë të lojtarit për t’u larguar, mund t’ua ndryshojë mendjen.
Pra, fjala është pë për një lojtar që sjell dominim në fushë, dhe sipas medieve britanike, transferimi rekord i Arsenalit Declan Rice, për të cilin West Ham pagoi 116 milionë euro dhe besohet se Barcola mund ta kalojë këtë shumë.
