Skuadra e Arsenalit nuk ka arritur më shumë se një barazim në ndeshjen e javës së 22-të në Premier League ndaj Aston Villas, me rezultat 2:2.

“Topçinjtë” ishin duke fituar në pjesën e parë me shifrat 1:0, ku Gabriel Martinelli shënoi gol.

Në pjesën e dytë, skuadra e Mikel Artetas e nisi mirë, pasi Kai Havertz shënoi për 2:0.

Por, në minutat 60-të dhe 68-të me dy gola të shpejt, skuadra e Unai Emery barazoi shifrat në 2:2 me autorët: Tielemans dhe Watkins.

Me këtë barazim, Arsenali shkon në kuotën e 44 pikëve në pozitën e dytë, gjashtë më pak se lideri, Liverpooli 50 pikë që ka një ndeshje më pak.