Arsenali ka triumfuar në derbin ndaj Manchester Unitedit, në kuadër të xhiros së 14-të në Premierligë.

“Topçinjtë” arkëtuan pikët e plota me rezultat 2:0, sfidën që doli të jetë shumë e barabartë nga fillimi.

Gabriel Martinelli pas vetëm katër minutave lojë e gjeti rrugën drejtë rrjetës, mirëpo që u anulua për pozitë jashtë loje (4’).

Man Unitedi lehtësisht mund të kalonte në epërsi por që Diogo Daloti dështoi nga afërsia.

Ishte Jurrien Timber që shënoi pas harkimit nga këndi, në sistemin interesant që po e përdorë Arsenali si dhe po funksionon jashtëzakonisht shumë këto kohët e fundit (54’).

I njëjti sistem funksionoi edhe te goli i dytë, ku këtë herë Willian Saliba realizoi pas asistimit të Partey (73’).

Arsenali lehtësisht mund ta shënonte edhe golin e tretë, por disi Mikel Merino nuk e konkretizoi nga afërsia.

“Topçinjtë” renditen në pozitën e tretë me 28 pikë, shtatë më pak se lideri Liverpool kurse Man United bie në vendin e 11-të me 19 sosh. /Nacionale/