- Advertisement -
Presidenti i Këshillit Evropian, Charles Michel, ka njoftuar se është arritur një marrëveshje është arritur për 50 miliardë euro ndihma për Ukrainën.
“Të gjitha 27 shtetet u pajtuan”, tha ai, duke shtuar se “kjo siguron financim të palëkundur, afatgjatë e të parashikueshëm për Ukrainën”, raporton gazeta “The Guardian”.
Marrëveshja vjen pas takimit të politikanëve më me ndikim të bllokut me kryeministrin hungarez, Viktor Orban, të enjten në mëngjes.
Orban e kishte bllokuar marrëveshjen për këto fonde në samitin e dhjetorit dhe kishte përpjekje të vazhdueshme për ta bindur edhe kryeministrin hungarez.
Njoftimi i Michel-it tregon tashmë se udhëheqësit e kanë bindur kryeministrin hungarez që të heqë dorë nga bllokimi i fondeve.
