Josko Gvardiol më në fund vendosi të transferohet në Manchester City pasi fituesit e trefishtë ranë dakord për marrëveshjen prej 77 milionë funtesh për mbrojtësin e RB Leipzig.
Gjatë gjithë verës City negocioi me gjermanët e Leipzig, dhe dje u arrit marrëveshja mes dy klubeve për shumën e 77 milione funteve, një marrëveshje që nuk përmban shtesa për performancen ose për sukses, shkruan Goal.com.
Kroati, do t’i kalojë testet mjekësore në fund të kësaj jave dhe City shpreson të shpallë zyrtarisht transferimin deri në fund të javës ose pas ndeshjes së Community Shield kundër Arsenalit të dielën.
Lëvizja do ta bëjë Gvardiol-in mbrojtësin e dytë më të shtrenjtë të të gjitha kohërave, me tarifën që është vetëm 80 milionë funte (101 milionë dollarë) që Manchester United i pagoi Leicester Cityt për Harry Maguire në 2019 dhe pak më shumë se 75 milionë funte (95 milionë dollarë) që Liverpooli pagoi për të nënshkruar me Virgil van Dijk nga Southampton në janar 2018.
