Policia e Kosovës ka arrestuar të shumë kërkuarin “Liza” emir i të cilit është Ilir Abdullahu, e i cili është njëri nga të dyshuarit në rastin e vrasjes s ëish policit Triumf Riza.

Policia e Kosovës, sot me anë të një komunikatë bëri të ditur për arrestimin e tij.

Policia e Kosovës arreston personin e shumë kërkuar, i cili ishte në kërkim për vite me radhë

Prishtinë, 16 korrik 2023

Si rezultat i angazhimeve dhe hetimeve të pandërprera të Policisë së Kosovës, sot me datën 16.07.2023, rreth orës 17:00, në Batllavë të Podujevës është arrestuar i shumë kërkuari (I, A,) i njohur me nofkën “Liza”.

I njëjti ishte në kërkim policor për disa vite me radhë, si i dyshuar për vepër penale të vrasjes së rëndë.

Arrestimi i tij është kryer, pas bashkëpunimit dhe koordinimit të njësiteve të ndryshme policore, përfshirë sektorin e narkotikëve të cilët kanë asistuar deri në arrestimin e tij.

Të gjitha veprimet e mëtejme policore, do të realizohen në bashkëpunim dhe koordinim me organet e drejtësisë.

Gjatë gjykimit të Sekiraqës, emri i “Lizës” është përmendur edhe nga një dëshitar, i cili ka thënë se I njejti është pjesë e grupit të Sekiraqës.

Në gjykimin e Enver Sekiraqës për shtytjen në vrasjen e Triumf Rizës, në cilësi të dëshmitarit u pati dëgjuBesnik Hasani shoku dhe kolegu i këtij të fundit.

Dëshmitari në pyetjet e prokurorit Special Haki Geci, deklaroi se Triumfi të vetmin problem që e kishte e kishte me Enver Sekiraqën.

“Triumfi gjithmonë e ka përmendur Enver Sekiraqën dhe grupin e tij kriminal, ai nuk ka pasur problem me tjetër kënd, këtë ja u garantoj me jetë”, tha dëshmitari.

Sipas tij grupi kriminal i Sekiraqës përbëhej prej një personi me pseudonim Ruqi, anëtarë të tjerë ishin Liza, Fjolla Morina, Rem Sekiraqa, Agroni dhe Faton Shoshi.