- Advertisement -
Policia e Kosovës ka arrestuar një person në SHFMU “Xheladin Rekaliu” në Podujevë, pasi dyshohet se e ka fotografuar votën dhe pastaj i ka sulmuar zyrtarët policorë.
Detaje në lidhje më këtë ka dhënë drejtoresha e shkollës “Xheladin Rekaliu”, Arjeta Bashota.
“Rreth orës 07:43 minuta është parë një qytetar duke e fotografuar qytetarin tjetër duke votuar, pastaj është ndaluar nga Policia, mnë ndërkohë është bashkuar edhe qytetari i dytë. Policia ka kërkuar që t’i shohë fotografitë dhe të fshihen, ku personi i dytë ka qenë agresivë ndaj policëve duke i shtyrë, ku ka filluar konfrontimi. Pastaj policët janë detyruar të përdorin sprej dhe ta arrestojnë qytetarin”, ka potencuar Bashota.
