Policia e Kosovës ka arrestuar pesë persona për disa vepra penale.

Kjo ndodhi kur Drejtoria Rajonale e Policisë në Pejë, Stacioni Policor Pejë,  me datë 21. 01. 2024. rreth orës 01:00, është njoftuar nga viktimat se në rrugën “Agim Qelaj” në Pejë’   pas një mosmarrëveshje që kishin pasur me të dyshuarit në trafik, të njëjtit  janë sulmuar fizikisht dhe gjatë përleshjes dyshohet se njëri nga të dyshuarit ka përdorur edhe armën e zjarrit e pastaj janë larguar.

Lidhur me këtë Policia menjëherë i është përgjigjur rastit dhe  gjatë shikimit të vendit të ngjarjes por që nuk është gjetur ndonjë dëshmi e cila tregon se është përdor arma e zjarrit.

Mirëpo Policia pas një pune intensive ka arrit ti identifikoji dhe arrestoji të dyshuarit.

Gjatë intervistimit njëri nga të dyshuarit kishte pranuar se është përdorur arma e zjarrit dhe e njëjta gjendet në shtëpinë  e njërit nga të dyshuarit  e rastit.

Me urdhër të Prokurorit shtetit është bastisur shtëpia e të dyshuarit, është konfiskuar arma.

Pas intervistimit të të dyshuarve,  tre prej tyre janë liruar  procedurë të rregullt, gjersa ndaj  dy të dyshuarve tjerë me urdhër të Prokurorit shtetit u është caktuar masa e ndalimit policor prej 48 orësh.