Liverpooli ka arritur të fitojë ndeshjen hapëse të Premier Ligës angleze.
Pjesa e parë u mbyll pa gola, dhe rastet i kishin vendësit e Ipswichit, të cilët e luajtën ndeshjen e parë në Premier Ligë pas rikthimit nga Championshipi.
Në pjesën e dytë, Liverpooli tregoi më shumë karakter, duke arritur të shënojë dy herë – në minutat ’60 përmes Diogo Jotas dhe ’65 përmes Mohamed Salahut.
Me këtë rezultat edhe përfundoi ndeshja.
Por, në këtë ndeshje u thyen së paku dy rekorde.
Kjo ishte ndeshja e parë për Arne Slot në Premier Ligë. Është e hera e parë që një trajner i ri i Liverpoolit, që nga viti 1991 kur drejtimin e klubit e kishte marrë Graeme Souness, që fiton ndeshjen hapëse të sezonit.
Atëherë, Liverpooli fitoi 3-0 kundër Norwichit në Anfield.
Ndërkaq, rekordi i dytë që u thye sot ishte ai nga “Mbreti Egjiptian”, Salah, i cili u bë lojtari me më së shumti gola (nëntë) në ndeshjet hapëse në historinë e Premier Ligës.
Ndeshjen e radhës, Liverpooli e luan në shtëpi kundër Brendfordit, kurse Ipswichi i shkon Cityt.
