Nga një djalosh i vogël që me zërin e tij të pastër përformoj në shumë manifestime kulturore dhe kombëtare, në një artist dhe udhëheqës kulturor që sot krijon skena për brezin e ri – ky është rrugëtimi i Arjon Gashit, një emër që po lë gjurmë të thella në muzikën shqiptare dhe në zhvillimin e kulturës në Kosovë.
Arjon Gashi është krijuesi dhe drejtori i festivalit mbarëkombëtar të këngës për fëmijë “Melodia” në qytetin e Klinës, një ngjarje që këtë vit zhvilloi edicionin e saj të parë.
Por rrugëtimi i Arjonit nuk ndalet vetëm te “Melodia”.
Në bagazhin e tij artistik, përkundër moshës së re, mban me krenari qindra këngë të kompozuara që përfshijnë stile të ndryshme – nga këngët epike e lirike, deri te kompozimet për fëmijë. Për më tepër, ai është kompozitor i 19 filmave shqiptarë dhe 4 serialeve televizive, si dhe orkestrues i shumë projekteve të njohura muzikore.
Sot, Arjon Gashi është një shembull frymëzues për të rinjtë në Kosovë, duke treguar se me punë të palodhur, pasion dhe përkushtim, ëndrrat bëhen realitet.
