Sassuolo doli me tre pikë nga një ndeshje e vështirë ndaj Veronës, duke fituar 1-0 falë golit të Andrea Pinamontit, i cili shënoi pas një penalltie të pritur nga portieri Montipò.
Verona kontrolloi pjesën më të madhe të posedimit, por u zhgënjye në përfundim, me brazilianin Giovane Nascimento që provoi plot pesë herë portën kundërshtare.
Mundësia e artë për Sassuolon erdhi kur Suat Serdar faulloi Alieu Faderan në zonë, duke dhuruar penalltinë vendimtare. Pinamonti nuk ia doli nga pika e bardhë, por ishte më i shpejti në topin e kthyer dhe e dërgoi në rrjetë.
Pjesa e parë ishte e gjallë, me raste nga të dyja skuadrat.
Arijanet Muric u detyrua të bënte disa pritje vendimtare ndaj Giovane dhe Serdar, ndërsa Montipò ndali një goditje të fuqishme të Armand Laurienté.
Goli erdhi në minutën e 71-të pas penalltisë së akorduar për Sassuolon. Montipò priti ekzekutimin e Pinamontit, por sulmuesi reagoi menjëherë dhe e shtyu topin në rrjetë nga afër.
Në minutat e fundit, Verona kërkoi me ngulm barazimin me raste nga Gift Orban dhe Jean-Daniel Akpa Akpro, por Muric mbeti i pathyeshëm dhe siguroi fitoren për Sassuolon.
Portieri dardan madje mori notën 10-të nga SofaScore për paraqitjen e sotme duke u shpallu lojtari i ndeshjes.
Me këtë rezultat, Neroverdët ngjiten më lart në tabelë, ndërsa Verona vazhdon krizën e saj para portës, duke mbetur ende pa fitore këtë sezon në Serie A.
