Arian Tahiri: Do të organizojmë kurse falas për gjuhë të huaja dhe teknologji për përgatitjen e të rinjve

Kandidati për kryetar të Mitrovicës nga radhët e PDK-së, Arian Tahiri, ka prezantuar programin e tij për përfshirjen e brezave të rinj në aktivitete edukative jashtë shkollës.

Ai ka paralajmëruar se pasditeve do të organizohen kurse falas në gjuhë të huaja, teknologji, sport dhe art, në kuadër të platformës “Mitrovica që edukon”.

“Qëllimi ynë është t’i ndihmojmë të rinjtë të zbulojnë talentet e tyre, të mësojnë dhe të rriten me vetëbesim,” ka deklaruar Tahiri, duke shtuar se arsimi cilësor dhe mbështetja e rinisë do të jenë prioritet i qeverisjes së tij.