Arda Güler ka bërë një hap të madh në karrierën e tij te Real Madrid, duke u shndërruar në një prej lojtarëve më vendimtarë në formacionin bazë të Xabi Alonsos.
Mesfushori sulmues turk, vetëm 20 vjeç, ka kaluar nga një projekt premtues në një realitet të padiskutueshëm në vetëm disa muaj.
Güler, i njohur për vizionin, qetësinë dhe precizionin në pasime, ka marrë rolin e organizatorit kryesor të skuadrës dhe po tregon se mund të jetë po aq influent sa edhe ylli i ri, Mbappé.
Nën drejtimin e Carlo Ancelottit, ai kishte një rol të kufizuar, zakonisht në krahun e djathtë, një pozicion ku nuk ndihej rehat. Por me Xabi Alonson, ai ka gjetur vendin e tij natyror në mesfushë, duke përdorur inteligjencën taktike dhe aftësinë për të lidhur lojën me sulmuesit.
Klubi ka besuar gjithmonë tek ai, dhe tani kjo besim po jep rezultate. Arda Güler shfaq siguri dhe personalitet në fushë, dhe potenciali i tij duket i pakufizuar.
Me ardhjen e Jude Bellingham, pozicioni i tij mund të pësojë disa ndryshime taktike, por stafi trajnerik e ka të qartë: Güler do të mbetet një nga titullarët e padiskutueshëm.
Sot, Arda nuk është më një premtim, por një realitet.
Kontributi i tij është i dukshëm në çdo ndeshje dhe po fillon të reflektohet edhe në statistika.
Në Madrid, ata janë të bindur se ai do të jetë një nga emrat që do të përcaktojë dekadën e ardhshme në futboll.
