Arbëria po lidhet me Pallatin e Rinisë, Rama prezanton projektin

Kryetari i kryeqytetit, Përparim Rama, ka publikuar projektin që parasheh të ndërlidhë Arbërinë me Pallatin e Rinisë dhe Hotelin Grand.

Përmes një njoftimi në faqen e tij zyrtare në Facebook, Rama ka njoftuar se thirrja për kompaninë ndërtimore do të shpallet gjatë këtij muaji.

“I falënderoj qytetarët për durimin e treguar dhe i informoj se detaje të projektit do të ekspozohen për publik të hënën me 12 shkurt në hollin e ndërtesës së Kryeqytetit në qendër” ka thënë Rama në njoftim.

Ky është njoftimi i plotë:

VITI I PROJEKTEVE TË MËDHA

Projekti madhor që ndërlidhë Arbërinë me Pallati i Rinisë dhe Hotelin Grand, tani është gati.

Gjatë muajit shkurt do të shpallet thirrja për kompaninë ndërtimtore për këtë projekt transformues që zgjidhë shumë probleme për qytetarët e Kryeqytetit.

1. I falënderoj qytetarët për durimin e treguar dhe i informoj se detaje të projektit do të ekspozohen për publik të hënën me 12 shkurt në hollin e ndërtesës së Kryeqytetit në qendër.

#PrishtinaPraktike