Zëvendësministri i Mjedisit, Planifikimit Hapësinor dhe Infrastrukturës, Hysen Durmishi, sot ka njoftuar se tani aplikimet për provimin teorik dhe praktik për Patent Shofer, mund të bëhen online përmes E-Kosova.
“Prej sot, përmes platformës së E-Kosova, fletëpagesat mund të realizohen në mënyrë digjitale” ka thënë ai.
Ai shtoi se, ndonëse është mundësuar aplikimi online, qytetarët kanë të drejtë të aplikojnë edhe përmes zyrave në njësitë rajonale.
“Ky projekt synon lehtësimin e procedurave të aplikimit për patent shofer për qytetarët e vendit”, theksoi ai.
Njoftimi i plotë:
Në Platformën e-Kosova tani kemi publikuar shërbimin për aplikim dhe ndarje të termineve për provimin teorik dhe praktik për Patent Shofer.
Me qëllim të zbatimit të zotimit për transparencë të plotë, në kuadër të MMPHI-së, në bashkëpunim me ASHI, kemi lansuar projektin lidhur me aplikimin dhe ndarjen e termineve per provimin teorik dhe praktik për Patent Shofer. Prej sot, përmes platformës së E-Kosova, fletëpagesat mund të realizohen në mënyrë digjitale. Si Ministri jemi kujdesur që deri në finalizimin e plotë të digjitalizimit, të drejtën e aplikimit qytetarët e kanë edhe përmes zyreve në njësitë rajonale.
Ky projekt synon lehtësimin e procedurave të aplikimit për patent shofer për qytetarët e vendit. Ky është një hap tjetër i domosdoshëm e i rëndësishëm drejt digjitalizimit si reformë e rëndësishme për rritjen e cilësisë, efikasitetit dhe transparencës.
📎Këtë shërbim mund t’a gjeni në linkun:
https://ekosova.rks-gov.net/Services/Done/-97?routeId=
