Tre Luanët ndonëse nuk patën paraqitje të mirë, arritën të shënonin dy gola për të evituar një dështim të madh.
Pjesa e parë e takimit i takoi Anglisë sa i përket posedimit të topit, por raste më të mira pati Sllovakia, ku edhe arriti deri te goli.
Ivan Schranz shënoi për 1:0 në minutën e 25-të, kur u asistua bukur nga Strelec pas një kundërsulmi të shpejtë.
Gola më në 45 mintuat e para nuk pati, me pjesën e parë që u mbyll me epërsinë 1:0 të Sllovakisë.
Me të filluar pjesa e dytë e takimit, Anglia shënoi me anë të Foden, por goli u anulua nga VAR për pozitë jashtë loje.
Anglia po e kërkonte barazimin me çdo kusht, por edhe përkundër posedimit nuk arrinte të krijonte raste të rrezikshme.
Rasti më i rrezikshëm i tyre ishte kur Rice e goditi shtyllën, por rezultati mbeti i pa ndryshuar.
Kur të gjithë menduan se Anglia po eliminohej nga Evropiani, në skenë doli Jude Bellingham, me gol akrobatik në minutat shtesë, për ta çuar ndeshjen në vazhdime.
Në minutën e parë të pjesës së parë të vazhdimeve, Anglia arriti ta përmbyste rezultatin.
Ishte Harry Kane që shënoi lehtësisht me kokë, pas asistimit të Ivan Toneyt, për rezultatin 2:1.
