Angelina Jolie thuhet se nuk është ‘e qetë’ për të bijën, Shiloh, e cila së fundmi ka vendosur që të jetojë me shoqen e saj të ngushtë dhe të ‘dashurën’ e përfolur, Keoni Rose.
Shiloh ndan një dashuri për vallëzimin me Keoni, e thuhet se pikërisht kjo ka qenë mënyra se si janë takuar dhe më vonë kanë nisur aludimet për një lidhje me njëra-tjetrën.
“Daily Mail” shkruan se vajza e dy aktorëve të famshëm, Angelina Jolie dhe Brad Pitt, është ‘zhvendosur përkohësisht’ me të dashurën e saj në një apartament të përbashkët në Los Angeles.
Sipas një burimi për median, dy vajzat ‘po jetojnë së bashku këto javët e fundit’. Shiloh dhe Keoni u panë së fundmi jashtë apartamentit teksa po ecnin drejt makinës së Rose, që ishte e parkuar.
Nga ana tjetër, burime të brendshme kanë zbuluar se aktorja e famshme është duke kaluar një periudhë të vështirë me zhvillimet e fundit.
“Nuk ka asnjë mënyrë që Angelina të jetë e qetë për këtë. Ajo pëlqen t’i ketë fëmijët pranë”, ka thënë burimi për “Daily Mail”.
