Kryediplomatja e Kosovës Donika Gërvalla, ka nisur një vizitë zyrtare në Monako ku do të zhvillojë takime me krerë të institucioneve më të larta shtetërore.

Siç bën të ditur zyra për media e saj, në fokus të kësaj vizite të Gërvallës në këtë shtet do të jetë anëtarësimi I Kosovës në organizata ndërkombëtare.

Gërvalla atje do të pritet në takim nga homologja e saj, Isabelle Berro-Amadeï, kryetari i Komisionit për Punë të Jashtme, Fabrice Notari dhe përfaqësues të tjerë, transmeton Klankosova.tv.

“Vizita e Ministres Gërvalla në Monako është një mundësi e mirë e zhvillimit dhe fuqizimit të raporteve diplomatike dhe ekonomike mes dy vendeve”.