Një breshëri plumbash ka lënë 3 persona të vdekur dhe disa të plagosur në South Street në Filadelfia.
Të shtënat kanë ndodhur në afërsi të kryqëzimit të “Rrugës Jugore” dhe “Rrugës së Tretë”. Disa oficerë ishin në patrullë kur dëgjuan breshërinë e të shtënave.
Oficerët panë disa persona duke qëlluar në një turme, thanë zyrtarët në një konferencë për shtyp.
Një prej oficerëve qëlloi në drejtim të njërit prej sulmuesve. Është e paqartë nëse i dyshuari është goditur.
Të paktën dy armë u gjetën në vendin e ngjarjes dhe hetuesit thanë se njëra prej tyre kishte një karikator të zgjatur.
Përgjatë blloqeve 200 dhe 300 të Rrugës Jugore u gjetën gëzhoja “të shumta”.
*Alert* Emergency personnel are responding to a shooting incident in the area of 3rd and South Streets. Several people have been injured. Please avoid the area.
— Philadelphia Police (@PhillyPolice) June 5, 2022
Në total, 14 persona u goditën me armë zjarri. Nga këto viktima, sipas policisë, tre persona kanë vdekur dhe 11 të tjerë janë plagosur.
Viktimat që u vranë ishin dy burra dhe një grua. Të tre kanë marrë plagë të shumta me armë zjarri në trup.
Emrat e tyre nuk janë bërë të ditur.
“Mund të imagjinoni se kishte qindra individë që po shijonin fundjavën në South Street kur shpërthyen të shtënat,” tha inspektori DF Pace.
Asnjë arrestim nuk është bërë. Policia po kërkon pamjet e kamerave të sigurisë për t’i ndihmuar ata të identifikojnë autorët.
Hetimi është në vazhdim./abcnews.al/
