Janë bërë tri vjet që kur ra Qeveria Kurit I, pasi partneri i tyre në koalicion, LDK-ja vendosi ta rrëzojë.

Krejt kjo erdhi si rezultat i shkarkimit të Agim Veliut, atëherë ministër i Mbrojtjes, ndërkohë që presioni amerikan për heqjen e taksës ndaj Serbisë shtohej.

Në krizën momentale që është shkaktuar në partneritetin Kosovë-SHBA, ish-kryetari i LDK-së, Isa Mustafa, dha një intervistë për Nacionalen.

“Në asnjë rast nuk jam penduar, veprimi ka qenë i mirë-vlerësues”, thotë Mustafa.

Ndërkohë që me disa fjalë ju drejtua edhe Vjosa Osmanit, ku tha se dyshja presidentja dhe kryeministri po sillen si motra dhe vëllai i madh i Sekretarit të SHBA-së, Antony Blinken.

“Edhe presidentja është si ai, thua ti se kjo është motra e madhe e Blinkenit, e Albini vëllai i madh” – shtoi Mustafa.