Ambasadori francez viziton memorialin “Adem Jashari”: S’është koha që rriten tensionet

Ambasadori i Francës në Kosovë, Olivier Guerot e ka vizituar Kompleksin Memorial “Adem Jashari” në Prekaz, ku nga atje ka thënë se s’është koha për të lënë tensionet që të rriten.

Gueroti ka theksuar se është i prekur nga madhështia e memorialit “Adem Jashari”.

“Isha dje në memorialin e Adem Jasharit dhe rreth 60 të afërmve që u vranë në vitin 1998. I prekur thellë nga madhështia e këtij vendi dhe nga gjurmët e dhunës brutale. 25 vjet më vonë, nuk është koha për të lënë tensionet të rriten”, ka shkruar Gueroti në “Twitter”.