Ambasadori i Shteteve të Bashkuara të Amerikës (ShBA), ai i Mbretërisë së Bashkuar, Francës, ambasadori i Gjermanisë dhe ai Italisë pas një ore takim me kryeministrin Albin Kurti janë parë duke dal nga ndërtesa e Qeverisë së Kosovës.
Gazetarët kanë tentuar që të kenë një deklaratë në lidhje me takimin, por të njëjtit nuk janë prononcuar për medie, raporton “EO”.
Takimi ka ndodhur pas reagimit të Zyrës së BE-së në Prishtinë rreth vendimit preliminar të Qeverisë së Kosovës për shpronësimin e tokës për interes publik në Leposaviq dhe Zubin Potok.
Një ditë më parë Kurti priti në zyrën e tij emisarin e BE-së, Miroslav Lajçak, i cili kishte ardhur në Prishtinë për të diskutuar hapat e mëtejshëm në dialog, si dhe shqetësimet e tij për situatën e sigurisë në veri të vendit.
