Më në fund pasi kaluan gati dy ditë është deklaruar edhe Ambasada e Kosovës në Maqedoni të Veriut, në gjuhë tejet të butë – ndryshe nga ajo e Presidentes së Kosovës, Vjosa Osmani.
“Vlerësojmë reagimin e kreut institucional të Republikës së Maqedonisë së Veriut dhe qëndrimin e fuqishëm të faktorit politik shqiptar në Qeveri përkitazi me këtë çështje”, shkroi Ambasada.
Për më tepër, kjo deklaratë e Ambasadës së Kosovës vlerëson vetëm reagimin e të ashtuquajturit VLEN, por jo edhe të BDI-së së Ali Ahmetit.
Postimi i plotë:
Ambasada ka përcjellur me vëmendje zhvillimet që ndërlidhen me thirrjet raciste anti-shqiptare të tifozëve në një ndeshje basketbolli në Kumanovë. Duke pasur parasysh që thirrjet e tifo grupeve të tilla janë të shpeshta dhe rëndom mbretërojnë nëpër stadiume, ne dënojmë në termat më të fuqishëm këto thirrje.
Vlerësojmë reagimin e kreut institucional të Republikës së Maqedonisë së Veriut dhe qëndrimin e fuqishëm të faktorit politik shqiptar në Qeveri përkitazi me këtë çështje. Mjaft premtues është aktivizimi i prokurorisë dhe urojmë që autorët të i nënshtrohen pasojave juridike, duke krijuar kësisoji një trend të ndëshkueshmërisë për rastet e tilla
