Ambasada e Gjermanisë në Kosovë ka ndarë me ndjekësit e saj në rrjetin social Facebook një moment të veçantë të ambasadorit Jorn Rohde, duke vlerësuar kulturën e kafesë në vendin tonë.
Ambasadori Rohde është ndalur për të shijuar një kafe gjatë rrugës Prishtinë – Mitrovicë, ndërsa përmes një fotografie të publikuar nga ambasada, është shprehur vlerësimi për traditën e mikpritjes dhe rëndësinë që kafeja ka në jetën e përditshme të qytetarëve.
“Në rrugën ndërmjet Prishtinës dhe Mitrovicës, ambasadori ynë kaloi një moment për të shijuar një filxhan kafeje të ndriçuar nga dielli. Duke festuar kulturën e pasur të kafesë në Kosovë, çdo gllënjkë është një dëshmi e ngrohtësisë dhe mikpritjes lokale. Kafeja e mirë i lidh njerëzit dhe janë këto momente të përditshme që me të vërtetë forcojnë lidhjet mes njerëzve,” thuhet në postimin e ambasadës.
Ky vlerësim nga Ambasada Gjermane vjen si një tjetër konfirmim i veçantë për kulturën e mikpritjes në Kosovë, ku kafeja shpesh shërben si simbol i afrimit dhe bashkëbisedimit mes njerëzve.
