Sot është asfaltuar korsia e djathtë nga Pestova në drejtim të Nadakocit – edhe 3 kilometra të paasfaltuara deri në Vushtrri
Për këtë ka njoftuar vet ministri Liburn Aliu i cili ishte në terren bashkë me përfaqësues të Fondit Saudit për Zhvillim me të cilët dje është nënshkruar kontrata për vazhdimne rrugës deri në Mitrovicë.
Postimi i plotë:
Pas nënshkrimit të marrëveshjes së sotshme, bashkë me zëvendësministrin Durmishi, kolegë si dhe përfaqësues nga Fondi Saudit për Zhvillim, ishim në një vizitë në terren për të parë nga afër progresin e punimeve të Rrugës Prishtinë-Mitrovicë.
Jo vetëm që jemi duke përfunduar segmentin nga Lumi i Madh deri në Gojbulë, me gjatësi totale prej 9.78 km, ashtu siç edhe e kemi premtuar, por tani pas nënshkrimit të marrëveshjes së sotme, projekti i rrugës Nacionale N2 Prishtinë-Mitrovicë do të vazhdojë edhe me segmentin e ri nga Sremkovnica deri në Mitrovicë, që do t’i shtojë edhe 5 km të tjera.
