Në imazhe, ylli 46-vjeçar i “Britain’s Got Talent” theksoi muskujt e barkut dhe kompletoi pamjen me bizhuteri të shumta dhe syze dielli.
Në përskrimin e postimit, Alesha ndau një mesazh enigmatik: “Pushoni dhe rimbushni energjitë! Kthehemi në punë të hënën!”, duke shtuar se diçka po vjen, shkruan DailyMail.
Ky njoftim i paqartë shkaktoi reagime të shumta nga ndjekësit, të cilët e pyetën me padurim se çfarë lajmi emocionues po përgatit.
Vetëm pak ditë më parë, këngëtarja dhe prezantuesja britanike zbuloi një ndryshim të rëndësishëm në karrierën e saj, duke kaluar nga muzika në industrinë e filmit.
Ajo është emëruar producente ekzekutive e filmit të shkurtë “Zambaku i Zjarrit”, një projekt që trajton temën e abuzimit sistematik të pushtetit dhe që është shkruar nga Phil Dunn.
Alesha u shpreh e emocionuar për këtë hap të ri: “Jam e nderuar dhe e emocionuar që do t’i bashkohem një ekipi krijuesish të shkëlqyer dhe do të shikoj ‘Zambakun e Zjarrit’ të lulëzojë. Besoj se ky film do të ketë një ndikim të fuqishëm dhe do të frymëzojë shumë njerëz”.
Ky është roli i saj i parë madhor si producente në film, pas eksperiencës së mëparshme në videoklipin e saj “Chargie”.
E njohur fillimisht nga grupi R&B dhe garage Mis-Teeq në fillim të viteve 2000, Alesha ka ndërtuar një karrierë të suksesshme si prezantuese televizive dhe gjyqtare në “Britain’s Got Talent” që prej vitit 2012.
