Gazetari Baton Haxhiu ftesën e Kurtit drejtuar Abdixhikut e sheh si “kurth politik dhe jo ofertë”.
Sipas Haxhiut, Kurti e ka mbaruar filmin por e ka ftuar Abdixhikun për ta fajësuar.
“Kurti me këtë letër nuk e ftoi LDK-në për bashkëpunim, por e ftoi për refuzim dhe ky refuzim është i tillë që refuzimin pastaj e konsideron si jobashkëpunim e antishtetëror duke fajësuar LDK-në. Kjo fshihet prapa letrës. Kjo ftesë edhte një kurth politik dhe jo një ofertë. Kjo është lojë e vjetër e pushtetit, e fton tjetrin kur s’ka nevojë më për të dhe vetëm për ta fajësuar ashtu siç një regjisor filmi i fton kritikët për ta parë filmin ose shfaqjen, por suksesi i tij tashmë është i ditur”, tha Haxhiu.
“E ka maru filmin, besoj që është e kryer”, tha ai në Pressing sa i përket votave për formimin e qeverisë.
