Al Nassr ka siguruar kualifikimin në Ligën e Kampionëve për klubet aziatike, pasi eliminoi Shabab Al-Ahli Dubai në fazën e play-off.
Skuadra e Cristiano Ronaldos fitoi me rikthim 4:2 për të siguruar një ‘biletë’ për në fazën e grupeve.
Talisca kaloi Al Nassr në epërsi pas vetëm 11 minutave ojë pas një asistimi fantastik të Brozovicit.
Pas kësaj, Shabab arriti të këndellet duke barazuar rezultatin me anë të Alghassanit vetëm shtatë minuta më vonë (18’).
Mysafirët e nisën shumë më mirë pjesën e dytë, duke përmbysur rezultatin sërish përmes të njëjtit lojtar (46’).
Kur askush nuk e priste, Al Nassr arriti të barazojë rezultatin me anë të një goli të bukur të Al Ghannam (88’).
Ndërsa, në minutat shtesë përmbysen gjithçka me Talisca që realizoi golin e dytë personal pas një harkimi të Yahya (90+5’).
Fitoren në aksionin tjetër e vulosi Marcelo Brozovic pas një asistimi të Cristiano Ronaldos (90+7’).
Kështu, Al Nassr kualifikohet në Ligën e Kampionëve për klubet arabe për herë të parë në tre vitet e fundit.
