Al-Hilal ka marrë hapin e parë në transferimin e mundshëm të yllit së PSG-së, Lionel Messi.
Skuadra arabe ka bërë ofertën e parë zyrtare drejt argjentinasit, ku kanë ofruar mbi 400 milionë euro për vit.
Gazetari Fabrizio Romano ka njoftuar se oferta e parë është dërguar, por që prioriteti i Messit vazhdon të jetë qëndrimi në Evropë.
“Al Hilal ka dërguar ofertën e parë zyrtare te Leo Messi, pagë që vlen mbi 400 milionë euro për vit. Prioriteti i Messit është absolut: Të vazhdojë në Evropë”.
Tutje, Romano bën të ditur se Barcelona po pret për të parë rregullat financiare nëse kanë të drejtë të nënshkruajnë me shtatë herë fituesin e Topit të Artë.
“Barcelona është duke pritur për rregullat financiare që të dërgojë ofertë zyrtare dhe të nis negociatat. Oferta e PSG-së nuk është pranuar në këtë fazë shkaku që Messi dëshiron garantim në aspektin sportiv”.
“RMC Sport” ditën e martë njoftoi se Messi do të largohet përfundimisht nga skuadra franceze.
Messi gjithnjë ka shprehur dëshirën të vazhdojë në Evropë sidomos pasi fitoi Kupën e Botës me Argjentinën dhe mbetet për t’u parë nëse do ta konsiderojë kalimin në Arabinë Saudite.
Përndryshe, Al-Hilal është rivali i Al Nassr, skuadër kjo që e transferoi Cristiano Ronaldon, ku portugezi fiton rreth 200 milionë euro për vit.
