- Advertisement -
Një grua ka bërë akuza të rënda ndaj reperit të famshëm, Sean Diddy Comb, duke pretenduar se ai donte që t’a vriste. Ajo ka thënë se Diddy e ka mbajtur të varur mbi ballkonin e katit të 17 të banesës së ish-të dashurës së tij, Casandra “Cassie” Ventura.
Ndërkohë ajo kërkon 10 milionë dollarë dëmshpërblim për shqetësimin emocional që ka pësuar, duke përmendur këtë incident si një nga momentet më dramatike të abuzimit.
Mediat e huaja shkruajnë se padia përmban akuza të tjera, duke pretenduar një model të përhapur të abuzimit ndaj grave, burrave dhe të miturve nga Combs.
Përfaqësuesit ligjorë të Combs kanë mohuar akuzat, duke thënë se ato janë të pabaza dhe se këto pretendime janë ngritur që nga viti i kaluar, kur gruaja, e cila është identifikuar si Bongolan, ka kërkuar përfaqësim ligjor për të ndjekur padinë. Ata kanë theksuar se Combs është i bindur se akuzat do të rrëzohen në fund.
