Aktorja Maiwenn Le Besco e cila luan në filmin e ri “Jeanne du Barry” së bashku me Johnny Depp akuzohet për sulm ndaj një gazetari. Pak para Festivalit të Filmit në Kanë, aktorja u akuzua se kishte sulmuar gazetarin në një restorant të njohur në Paris.
Gazetari thotë se personalisht nuk ka pasur kurrë ndonjë problem me regjisoren, por gazeta ku ai punon botoi artikuj në lidhje me akuzat për përdhunim të ish-bashkëshortit të saj.
Filmi “Jeanne du Barry”, traileri i së cilit u publikua së fundmi shënon rikthimin e Johnny Depp në ekranin e madh pas gjyqit shumë të shumëpërfolur kundër Amber Heard.
Avokatët e Depp kanë pohuar më herët se aktori dëshiron që ky kapitull i jetës së tij të përfundojë plotësisht dhe paratë që do të marrë nga ish-bashkëshortja e tij si dëmshpërblim pritet të shkojnë për bamirësi.
