- Advertisement -
Një aksident zinxhiror është regjistruar sot në autostradën Lushnje–Fier, në zonën e kthesës së Kolonjës, ku janë përplasur gjashtë automjete.
Nga ky aksident nuk ka persona të lënduar, por dëmet materiale janë të konsiderueshme.
Si pasojë e përplasjes, është krijuar një radhë kilometrike automjetesh, që shtrihet nga kthesa e Kolonjës deri në kryqëzimin e Vajkanit, duke bllokuar qarkullimin në këtë aks shumë të frekuentuar.
Në vendngjarje kanë mbërritur shërbimet e Policisë Rrugore dhe autoambulanca. Qarkullimi i automjeteve u normalizua një orë pas aksidentit.
Abcnews.al shkruan se Policia Rrugore vijon hetimet për zbardhjen e shkaqeve që çuan në aksident.
